محكمه الحب, ادخل وشوف القوانين

زائر

أعزائي واصدقائي واخوتي اعضاء اسرة ايجى هوت الكرام

طبعا انتو داخلين النهاردة علشان عاوزين تعرفوا

ايه هيا قوانين المحكمة (الحب) محكمتنا غير اي محكمة لأنها هتكون في الحب وبس وملهاش دعوة بالقضايا المدنيه والجنائيه والقتل والحرق وواحده عاوزة تخلع جوزها والتانيه غزت جوزها بالمطواه والكلام الي زهقنا منه ده لا خالص ... محكتنا محكمة للحب وعن الحب وسماتها وأساسها الحب ... والي هيدخل يتحاكم هنعرف من أجاباته على أسئلة الاعضاء اذا كان مذنب ولا برئ .... وكله بالحب ... ياترى بيعرف يحب ... ؟؟ .. يعرف يعني ايه هو الحب ....؟؟ ... كام مرة وقع ف الحب ... ؟؟ .... وهكذا وهكذا

وبكده هيكون دور الاعضاء زي دور وكيل النيابه هما اللي هيوجهوا الاسئله والاتهامات والمتهم عليه يجاوب بكل صراحه

ودلوقتي ركزوا معايا ف القوانين ومش عاوزين سكارى يدخلوا المحكمه ركزوا معايا كويس .......
على بركة الله
----------------------------------------------------

1-المحكمة بداية ستتكون من رئيس واتنين مستشارين سيتم اختيارهم كل شهر للنظر في الاعضاء الذين سيحاكموا في المحكمة والنطق بالحكم .
2-سيتم اختيار الرئيس والمستشارين تدريجيا ابتداء من الادمن ثم المراقبين ثم المشرفين وهكذا .
3-وسيتم اختيار المتهم على حسب درجة ظهوره في المنتدى ... يعني مدى تفاعله في المنتدى .. من مواضيعه وردوده وهكذا .
4-للمتهم حق الاستعانه بعضو سيحدده قبل دخوله قفص التهام ليكون المحامي الخاص به .
5-مدة المحاكمة من 5 ايام الى اسبوع .
---------------------------

قوانين يلتزم بها المحامي
--------------

1-له الحق فقط في الرد على سؤالين بدلا من المتهم .. ( وده طبعا في حالة خجل المتهم من الاجابة ) .
2-يطلب من القاضي والمستشارين فترة لاتزيد عن يوم واحد ( اذا جدت ظروف تمنع المتهم من دخوله المنتدى ) لقدر الله .
3-من حقه الاعتراض على صيغة سؤال وطلب تعديله ( بعد موافقة القاضي ) .
----------------------

قوانين يلتزم بها الاعضاء
------------

1-عدم التجريح او استخدام الفاظ سخيفه ف الاسئله .
2-لو كان السؤال هيئذي المتهم يعنى هيزعله او كده بلاش منه.
-----------------

قوانين يلتزم بها المتهم
--------------

1-الاجابه بصراحه وصراحه تامه وقبل ماترد ع الناس ولا الناس تسال حاجه هتقسم بالله انك تجاوب كل حاجه بصراحه .
^-^ ( وقسم المحكمة هو ) ^-^

" اقسم بالله العظيم اقول الحق ولا شئ غير الحق واكون صريح في كل اجاباتي "

2-من حقك الدستوري كمواطن ينتمي لأسرة ايجى هوت انك ترفض تجاوب على سؤال واحد فقط من كل مجموعة اسئله لكل عضو .
3-مش من حق اللى جوا القفص ( المتهم ) ان يطلب ينسحب ف اى وقت .
=====================

وف الآخر مش عاوزين اي تجريح يعني محدش يحاول يزعل حد لاننا اسرة واحده
ولازم نخاف على بعض ويكون قلبنا على قلب بعض ... وبالحب والمأخاه هنخلي منتدانا اجمل منتدى ونخليه بستان
نزرعه حب ونسقيه حب ونقطف منه ورود الحب ....